სერიალის "უცნაური ამბები" მე-4 სეზონის პრეიმერა 2022 წლამდე გადაიდო

18 წლის კანადელმა მსახიობმა ფინ ვოლფარდმა, რომელიც მაიკ ვილერის როლს თამაშობს სერიალში "უცნაური ამბები", ინსტაგრამის ლაივის დროს განაცხადა, რომ პროექტის მე-4 სეზონის პრემიერა 2022 წლამდე გადაიდო. აღსანიშნავია, რომ გადაღებების პროცესი კორონავირუსის გამო შეჩერდა.

”მეოთხე სეზონი? იმედია, იგი მომავალ წელს გამოვა” - განაცხადა მსახიობმა ფინმა.

პანდემიის გამო, შოუს შემქმნელები იძულებულნი გახდნენ ცოტა ხნით გადაღებები შეეჩერებინათ. ვარაუდობენ, რომ პროექტის მეოთხე სეზონზე მუშაობა 2021 წლის აგვისტოში დასრულდება.

სერიალის მოვლენები მე-20 საუკუნის 80-იან წლებში მშვიდ პროვინციულ გამოგონილ ამერიკულ ქალაქში ვითარდება. პირველ სეზონში ბიჭუნები იძიებენ მეგობრის გაუჩინარებას. წამყვან როლს მის პოვნაში ასრულებს გოგონა ზებუნებრივი თვისებებით. მეორე სეზონის მოქმედება მიმდინარეობს ამ მოვლენებიდან ერთი წლის შემდეგ. მასში ასახული იქნება, თუ როგორ ცდილობენ პერსონაჟები, დაუბრუნდნენ ცხოვრების ჩვეულ რიტმს. ამ სეზონის გამოსვლის შესახებ ცნობილი გახდა 2016 წლის 31 აგვისტოს. მისი პრემიერა გაიმართა 2017 წლის 31 ოქტომბერს.