გავრცელდა, ფილმის "სიცრუის ქალაქი" თიზერი, ჯონი დეპის მონაწილეობით

გავრცელდა, ფილმის "სიცრუის ქალაქი" თიზერი, ჯონი დეპის მონაწილეობით. სიუჟეტის მიხედვით, ჯონი იძიებს რეპერების ტუპაკ შაკურისა და The Notorious BIG-ის (კრისტოფერ უოლესი) მკვლელობას.

აღსანიშნავია, რომ პროექტი 2017 წელს გადაიღეს, ხოლო პირველი თიზერი მაყურებელმა 2018 წელს იხილა, მაგრამ პრემიერა არასდროს შემდგარა. წყაროების ცნობით, მიზეზი მსახიობთან დაკავშირებული "გარვკვეული" პრობლემები იყო. დიდი ალბათობით, საუბარია დეპის სკანდალურ განქორწინებაზე ემბერ ჰერდთან, რის შემდეგაც ბევრმა რეჟისორმა უარი განაცხადა "კაპიტანი ჯეკ ბეღურას" ახალ პროექტებში მოწვევაზე.

გავრცელებული ინფორმაციით, "სიცრუის ქალაქი" რომელიც ეკრანებზე 9 აპრილს გამოდის, პროექტი შესაძლოა ჯონი დეპის ბოლო ფილმი იყოს.