ცნობილი ქართული ტელესერიალები

შუა ქალაქში

„შუა ქალაქში“ ქართული სიტკომის ჟანრის სერიალი მეგობრების ჯგუფზე, რომლებიც თბილისის ერთ-ერთ უბანში (ვაკეში) ცხოვრობენ. სერიალი დადგმულია სტუდია ღამის შოუს მიერ. სერიალი ექვსი წლის განმავლობაში გადიოდა ტელეკომპანია იმედის ეთერში. პირველი სეზონის პრემიერა გაიმართა 2007 წლის 23 სექტემბერს, ხოლო ბოლო, მეთექვსმეტე სეზონი 2013 წლის 9 ივლისს დასრულდა. შუა ქალაქში განახლდა 2014 წლის 13 ოქტომბერს როგორც „10 წლის შემდეგ“. მისი ჩვენება 2017 წლის მარტში დასრულდა.

გოგონა გარეუბნიდან

„გოგონა გარეუბნიდან“ ქართული კომედიური სატელევიზიო სერიალი, რომელიც Night Show Studio-მ გადაიღო 2010 წელს. დრამატული ტიპის სერიალი, რომელიც კომედიისა და დრამის ნაზავია და ეფუძნება 1999 წელს კოლუმბიაში გადაღებულ სერიალს „მე ვარ უშნო ბეტი“. ეს ორიგინალური ტელე-ნოველა მრავალ ენაზე ითარგმნა. 2010 წლის მონაცემებით ამ პროექტის ახლებური ვერსიები 17 სხვადასხვა ქვეყანაში შექმნეს.

ცხელი ძაღლი

პანიკის გარეშე

დურმიშხან იშხნელი დიდი ხნის წინ გარდაიცვალა, თუმცა დაბრუნება მოუწია 21-ე საუკუნეში უკან, სადაც მისი შთამომავალი შვილიშვილი დუკა იშხნელი დახვდა. იგი მისივე ასაკის არის, თუმცა დუკა თანამედროვე, ოდნავ დეპრესიული მამაკაცია, რომელიც პრობლემების მოგვარებას თავის მოკვლით ცდილობს. პაპის გამოცოხლების შემდეგ ცხოვრება უფრო ურთულდება, მაგრამ ცდილობს პაპა ახალ ცხოვრებას მოარგოს და თან პირადი ცხოვრებაც შეიქმნას. მოქმედებაში დუკას მეგობრებიც ნუცა და ბალნოიც ერთვებიან.

პარადოქსი

„პარადოქსი“— ქართული მისტიკური ჟანრის სერიალი, რომელიც GDS Production, SARKE STUDIO და НЛО ТВ-იმ გადაიღო 2014 წელს. სერიალი ქართულ-უკრაინული პროდუქტია, შესაბამისად პრემიერა როგორც საქართველოში ასევე უკრაინაშიც შედგა НЛО ТВ-ს ეთერში. ეს არის პირველი ერთობლივი პროექტი საქართველოსა და უკრაინას შორის.

ახალგაზრდა წარმატებულ მეცნიერ ირაკლის, რომელიც სიკვდილის ფენომენს იკვლევს, ოჯახური ტრაგედია ატყდება თავს. თვითმკვლელობის მცდელობის და ხუთ თვიანი კომის შემდეგ ის ვამპირულ აპოკალიფსში იღვიძებს. სანამ ცოლის მოძებნას და გადარჩენას შეეცდება, ათეისტი მეცნიერი თანამგზავრებთან ერთად ჯერ ამ პარადოქსულ სიტუაციაში უნდა გაერკვეს.

ტიფლისი

„ტიფლისი“ — ქართული მრავალეპიზოდიანი სატელევიზიო დრამა. სერიალის მოქმედება XIX საუკუნის საქართველოში ხდება. სერიალი ჯიდიესის ეთერში პირველად 2014 წლის შემოდგომაზე გავიდა და დიდი გამოხმაურება და მოწონება დაიმსახურა. თითოეულ სერიას საშუალოდ 500000 ნახვა ჰქონდა. IMDB.COM-მა დაახლოებით 800 შეფასებიდან 9,1 ქულა დაუწერა. 2015 წელს გამოვიდა სერიალის მეორე სეზონი. ორივე სეზონის სერიების რაოდენობა 16-ს (7+9) შეადგენს. სერიალი ყურებადი იყო არა მხოლოდ საქართველოში არამედ მის ფარგლებს გარეთაც. ემიგრანტების დიდი მოთხოვნა იყო, რომ სერიები განთავსებულიყო ინტერნეტსივრცეშიც, რათა მათთვისაც ყოფილიყო ხელმისაწვდომი.

ქერჩი - დაკარგული გმირები

1942 წელი. ყირიმის ნახევარკუნძული. საბჭოთა ჯარები, ქერჩში დესანტირებენ. მათი მთავარი ამოცანა, ფეოდოსიისკენ მიმავალი გზის გერმანელებისგან გაწმენდაა. ეს ისტორია ეძღვნება ყველა ქართველ ჯარისკაცს და გმირს, რომელიც იბრძოდა და დღემდე იბრძვის საქართველოსთვის.

ჩემი ცოლის დაქალები

„ჩემი ცოლის დაქალები“ — ქართული სატირულ-იუმორისტული ჟანრის ტელესერიალი მეგობრების ჯგუფზე, რომლებიც თბილისში ცხოვრობენ. სერიალი დადგმულია ფორმულა კრეატივის მიერ. 2011 წლიდან 2019 წლამდე გადიოდა „რუსთავი 2-ის“ ეთერში. 2019 წლის ოქტომბრიდან სერიალი გადის — ტელეარხ ფორმულაზე .

დიდი ოჯახი

ართული სიტკომის ჟანრის სერიალი. სერიალში აღწერილია ერთი ოჯახისა და გარემოცვის ცხოვრების, წარსულისა და აწმყოს შესახებ. სერიალის პრემიერა გაიმართა 2020 წლის 29 მაისს.