რეპერი ქარდი ბი პირველად მიიღებს მთავარ როლს ფილმში - "Assisted Living"

28 წლის ამერიკელი სუპერვარსკვლავი და რეპერი ქარდი ბი პირველად მიიღებს მთავარ როლს, კინოკომპანია Paramount Pictures-ის კომედიაში "Assisted Living".

ჰიპ-ჰოპის შემსრულებელი ქარდი კრიმინალის როლს მოირგებს, რომელიც წარუმატებელი ძარცვის შემდეგ იმალება მოხუცთა თავშესაფარში. მას ხშირად მოუწევს მაკიაჟისა და კოსტუმების გამოცვლა, რადგან პოლიციას მარტივად დაემალოს. სცენარისტი კეი ოიეგუნი გახლავთ. აღსანიშნავია, რომ ფილმი შთაგონებია ცნობილი კომედიური ჟანრის პროქტის - "Sister Act" მიხედვით

შეგახსენებთ, რომ ქარდი ბის მონაწილეობა აქვს მიღებული რამდენიმე ფილმში. 2019 წელს გამოვიდა ფილმი - "Hustlers" სტრიპტიზიორების შესახებ, რომლებიც მდიდარ კლიენტებს ძარცვავდნენ. პროექტში მთავარი როლი ჯენიფერ ლოპესს ერგო. პრემიერიდან მალევე ქარდიმ ინტერვიუში აღიარა, რომ გადაღების პროცესი მოსაწყენი იყო. რეპერმა აღნიშნა, რომ იგი თანახმაა, კვლავ გამოჩნდეს კინოეკრანებზე ნებისმიერი თანხის სანაცვლოდ. ასევე მომავალ წელს გამოვა მძაფრ-სიუჟეტიანი ფილმი "ფორსაჟი", სადაც მონაწილეობას ქარდი ბი იღებს.

ქარდი ბი ამერიკელი რეპერი, სიმღერების ავტორი, მსახიობი და ტელეწამყვანია. ბელკალის მარლენის ალმანზარი დაიბადა 1992 წლის 11 ოქტომბერს, დომენიკელი მამისა და ტრინიდადელი დედის ოჯახში, იგი 19 წლის ასაკიდან მუშაობდა სტრიპტიზიორად. 2018 წელს გამოუშვა სადებიუტო ალბომი „Invasion of Privacy“. ამ ალბომმა მას პირველი გრემის ჯილდო მოაგებინა, ნომინაციაში „საუკეთესო რეპ ალბომი“. მოგებული აქვს 118 ჯილდო. 2019 წლის 31 მაისს გამოუშვა სინგლი „Press“. 2017 წელს იგი დაქორწინდა რეპერ Offset-ზე და ჰყავს 1 შვილი.