10 საშინელებათა ჟანრის ფილმი, რომელიც რეალურ ამბავზეა დაფუძნებული

ალბათ ნაცნობი სიტუციაა, როდესაც საშინელებათა ჟანრის ფილმი, ნაცნობი წინადადებით იწყება - "დაფუძნებულია რეალურ ამბავზე". წარმოგიდგეთ ფილმებს, რომელიც რეალურ ამბავზეა დაფუძნებული:

ჩუმი სახლი

ფილმის მთავარი გმირი სარაა, რომელიც ბრუნდება თავის ბიძასთან და მამასთან რათა საზაფხულო სახლი შეაკეთოს. ისინი გადაწყვიტავენ ღამე გაათენონ ძველ სახლში და დილიდან შეუდგნენ სამუშაოს. მაგრამ მოვლენები სხვაგვარად განვითარდა, როდესაც გოგონამ ღამით ზედა სართულებიდან უცნაური ხმები გაიგონა...

ამერიკული დანაშაული

ფილმი გადაღებულია 60-იანი წლების ბოლოს მომხდარი რეალური მოვლენების მიხედვით. ერთი შეხედვით ჩვეულებრივი დიასახლისი გერტრუდა ბანიჟევსკი სასტიკად ექცევა თინეიჯერ გოგონას. მას სილვია სარდაფში ყავს ჩაკეტილი, რადგანაც მისი შენახვის ფულმა დაიგვიანა.

ყბები

გაუმაძღარი უზარმაზარი თეთრი ზვიგენი ემიტი აილენდის მაცხოვრებლებს ატერორებს. ოკეანოლოგი, პოლიციის უფროსი და ზვიგენებზე მონადირე, ამ სისხლისმსმელი არსების დასამარცხებლად იბრძვიან.

ალქაჯი

ახალი ინგლისი 1630 წელი. ვილიამი და კატერინა ქრისტიანული ცხოვრებით ცხოვრობენ 5 შვილთან ერთად. როდესაც მათი ახალდაბადებული ბავშვი იღუპება ოჯახი ორად იყოფა. ამ დროისთვის კი ზებუნებრივი ძალებით დაჯილდოვებული ეშმაკი ტყეში ბინადრობს.

ანაბელი

ფილმი მოგვითხრობს ერთი უცნაური თოჯინას და მისი ახალი მფლობელების ისტორიას. ერთ დღეს ჯონი თავის ცოლს თოჯინას აჩუქებს რომელიც ერთი შეხედვით უბრალო თოჯინაა და ასეც იქნება სანამ მას სატანის კულტის წარმომადგენლები არ მიაკითხავენ...

წყევლა (პირველი და მეორე ნაწილი)

პარანორმალური მოვლენების მკვლევარები, ედ და ლორეინ უორენები ცდილობენ დაეხმარონ ოჯახს, რომელსაც ბნელი ძალა ატერორებს.

ეშმაკის განდევნა ემილი როუზისგან

ფილმი დაფუძნებულია რეალურ მოვლენებზე. 1976 წელს ეშმაკის განდევნის სეანსი, ახალგაზრდა გოგონას სიკვდილით დამთავრდა. მღვდელს, რომელმაც ჩაატარა რიტუალი, მკვლელობაში დასდეს ბრალი.

საშინელება თელების ქუჩაზე

ფრედი კრიუგერზე საკულტო საშინელებათა ფილმის რესტარტი. ფრედი კრიუგერი სერიული მკვლელია, რომელიც ბავშვებს სიზმრებში კლავს, და ისინი ვინც სიზმარში მოკვდა – რეალურადაც იღუპება.

ეგზორცისტი (1973)

ცნობილი მსახიობის ოჯახში უბედურება დაისადგურებს – მისი არასრულწლოვანი ქალიშვილი არაადეკვატურად დაიწყებს მოქცევას. ექიმები ფსიქიკურ დაავადებას ეჭვობენ და დიაგნოზს ვერ უსვამენ. სპეციალურად მოწვეული მღვდელი კი ფიქრობს, რომ გოგონა ეშმაკითაა შებყრობილი.

მოჩვენებები კონექტიკუტში

კემპბელების ოჯახი კონექტიკუტში გადადის და მალევე შეიტყობს რომ მათ მომხიბლავ ძველებურ სახლს საშინელი ისტორია აქვს. სახლი მხოლოდ გადაკეთებული დამკრძალავი სალონი არ ყოფილა, სადაც წარმოუდგენელი ამბები ხდება. მისი ყოფილი მფლობელის წინასწრმეტყველი ვაჟი იოჰანი დემონის მორჩილი იყო და ამ სახლიდან სპირიტუალურ გასასვლელს ქმნიდა.