ოსკარის დაჯილდოებაზე მხოლოდ covid 19-ზე აცრილი ვარსკვლავების დასწრებას განიხილავენ

ოსკარის დაჯილდოების ორგანიზატორები ყოველწლიურად აღნიშნავენ ჰოლივუდის ერთ-ერთ ყველაზე გლამურულ ღამეს. გავრცელებული ინფორმაციით დაჯილდოებაზე დაიშვებიან მხოლოდ ის ვარსკვლავები, რომელთაც კოვიდის საწინააღმდეგო ვაქცინაცია ექნებათ გაკეთებული. ოსკარის 93-ე დაჯილდოება 2021 წლის 25 აპრილს გაიმართება.

”ამ ეტაპზე განიხილება მხოლოდ covid 19-ზე აცრილი პირთა დაშვება, მკაცრი სოციალური დისტანცირებით. ეს ეხება ნებისმეირ ადამიანს, რომელიც წითელ ხალიჩაზე გაივლის..." - ნათქვამია ერთ-ერთ წყაროში

ოსკარის დაჯილდოება ყოველწლიურად ლოს-ანჯელესში Dolby Theatre-ში, თებერვლის ბოლოს ტარდება. „აკადემიის პრიზების“ პრეზენტაცია პირველად გაიმართა 1929 წლის 16 მაისს კერძო ვახშამზე „Hollywood Roosevelt Hotel-ში“. ცერემონიას ესწრებოდა დაახლოებით 270 ადამიანი. მაშინდელი წვეულების ბილეთის ღირებულება იყო 5 დოლარი (2015 წლის კურსით 69 დოლარი). ცერემონია გრძელდებოდა დაახლოებით 15 წუთის განმავლობაში.