Warner Bros გადაიღებს ფილმის "Wonder Woman" მესამე, დასკვნით ნაწილს

Warner Bros-ის აღმასრულებელმა დირექტორმა, ტობი ემერიხმა განაცხადა, რომ კინოსტუდიამ მუშაობა დაიწყო DC კომიქსების სუპერგმირის, Wonder Woman მესამე ნაწილზე. სიუჟეტისა და თარიღის შესახებ ინფორმაცია ჯერჯერობით უცნობია. განცხადება გაკეთდა Wonder Woman 1984-ის გამოსვლის შემდგომ.

Wonder Woman-ის მეორე ნაწილის პრემიერა შედგა 25 დეკემბერს ერთდროულად ამერიკის თეატრებში და ონლაინ HBO Max–ის სერვისზე. შაბათ-კვირას შემოსავალმა 38.5 მილიონი დოლარი შეადგინა. პანდემიის ფონზე, ეს საუკეთესო შედეგია.