სერიალის "მანდალორელი" მე-3 სეზონს 2022 წელს ვიხილავთ

"მანდალორელის" მესამე სეზონს 2022 წელს ვიხილავთ. თაყვანისმცემლებს მიაჩნდათ, რომ ახალი სერია 2021 წლის დეკემბერში გამოჩნდებოდა. სამწუხაროდ დისნეის კომპანიამ გუშინ გამოაქვეყნა 2021 წლის მომავალი ფილმების პრემიერების ჩამონათვალი და სიაში სერიალი "მანდალორელი" ვერ მოხვდა.

მანდალორელი ჯონ ფავროს მიერ შექმნილი ამერიკული კოსმოსური ვესტერნია. სერიალის პირველი სერია Disney +-ის სტრიმინგ სერვისზე 2019 წლის ნოემბერში გამოქვეყნდა. მანდალორელი არის ვარსკვლავური ომების ფრანშიზის პირველი live-action სერიალი. სერიალის სიუჟეტი იწყება ვარსკვლავური ომები, ეპიზოდი VI: ჯედაის დაბრუნება (1983) ეპიზოდში აღწერილი მოვლენების შემდეგ და ვითარდება მანდალორელისა (პერო პასკალი) და ბავშვის ირგვლივ.