ცნობილი გახდა, როდის გამოვა სერიალის "The Walking Dead" მეათე სეზონის ბოლო ეპიზოდები

The Walking Dead-ის მეათე სეზონის ბოლო 6 ეპიზოდი 2021 წლის 1 მარტს გავა. პროექტში გამოჩნდებიან ჰილარი ბარტონი და ჯეფრი დინ მორგანი.

მე-11 სეზონისთვის დაგეგმილია სულ 24 ეპიზოდი. პირველი 12-ის პრემიერა 2021 წელს გაიმართება, დანარჩენს კი 2022 წელს ვიხილავთ. The Walking Dead-ის შემქმნელებმა განაცხადეს, რომ სერიალი მე-11 სეზონით დასრულდება.

Walking Dead არის ამერიკული ტელესერიალი, გადაღებული რეჟისორ ფრენკ დარაბონტის მიერ. „მოსიარულე მკვდრებში“ მოქმედება მიმდინარეობს ზომბი-აპოკალიპსის პერიოდში. ზომბები, რომლებიც პირობითად მოიხსენიაბიან როგორც „მოსიარულეები“, ჭამენ ყველა ცოცხალ არსებას. დასაწყისში გადარჩენილებს ჰგონიათ, რომ ადამიანები მხოლოდ კბენის შედეგად იქცევიან ზომბებად, თუმცა შემდგომში ირკვევა, რომ ყველა ცოცხალი ადამიანი ვირუსის მატარებელია და მისი გარდაცვალების შემდეგ ზომბად იქცევა, ხოლო მისი მოკვლა შესაძლებელია მხოლოდ ტვინის დაზიანებით ან სხეულის სრულად განადგურებით.