ანიმაციური სერიალის "რიკი და მორტი" მე-7 სეზონზე მუშაობენ

ანიმაციური სერიალის "რიკი და მორტი" შემქმნელები შოუს მეშვიდე სეზონზე მუშაობენ. ამის შესახებ პროექტის ავტორმა დენ ჰარმონმა Adult Swim კომპანიის კონფერენციაზე განაცხადა - ”როგორც ჩანს, ახლა მეშვიდე სეზონზე ვმუშაობთ"

სერიალი მოგვითხრობს ლოთი მეცნიერი რიკის და მისი შვილიშვილის, მორტის ფათერაკების შესახებ. პერსონაჟები ხან ოჯახთან ერთად ატარებენ დროს, ხან კი - განზომილებათაშორის მოგზაურობენ. ორივე მთავარ გმირს თვითონ როილენდი ახმოვანებს, თუმცა გახმოვანებაზე ასევე მუშაობენ ისეთი მსახიობები, როგორიცაა კრის პარნელი, სპენსერ გრემერი და სარა ჩოკი. სერიალის შთაგონება იყო ფილმის „უკან მომავალში“ ანიმაციური სახის პაროდია, რომელიც როილენდმა Channel 101-ის ფესტივალისთვის შექმნა. Adult Swim-მა ჰერმონს სატელევიზიო შოუს შექმნის თხოვნით მიმართა, რის შემდეგაც მან და როილენდმა ამ პაროდიის ორ მთავარ პერსონაჟზე დაფუძნებით სერიალი შექმნეს.